في يوم من الأيام و زي كل يوم و في أوضه في شقة البشموهندس حسام تحديداً في أوضه
ساره بنته
يدق منبه جنب سريرها الساعه 7 الصبح عشان تصحى تنزل الجامعه
هي قفلت المنبه و صحيت
بسرعه صلت و فطرت و لبست و نزلت جامعتها
و طبعاً كعاده القاهرة
فيه زحمه و دوشه و كركبه و هي قاعده ف تاكسي واقف في إشارة من تلت ساعه و كل شويه
تبص في ساعتها
المهم وصلت السيكشن
متأخره و الدكتور مرضيش يدخلها
إتضايقت و إضطرت
تستنى بره لحد ما زمايلها يطلعو
و خرجت روايه من شنطتها
و فضلت تقرأ فيها
قعدت ع السلم و حطت (هاند فري) الموبايل ف ودنها عشان متسمعش كلام من حد بيستظرف او بيعاكس
من بعيد كان جاي ولد
لابس قميص و بنطلون و شايل لاب على ضهره وماشي كده و كان بيقرب ناحيتها
و هي بنضارتها مشغوله
ف القراءة
وقف قدامها يبص عليها
فجأة هي بتبص حس إنها
شافته مشي بسرعه يطلع ع السلم رجله إتلخبطت و أتوتر و وقع قدامها متلخبط و متبهدل
و شنطته خبطت فيها
بصتله و قالتله مش تفتح
!!
هو إتخض و قالها أسف بس أصل والله و بعدين أنا و و و
قالها مفيش وهو بيلم
حاجته بسرعه وقالها أسف
قالتله إنت بتقول إييه
!؟؟ قالها مفيش وهو بيلم حاجته بسرعه وقالها أسف ومشي بسرعه
لقيته رايح ع السكشن قامت تقوله لا متدخلللللش هيطردك
إتفاجئت إنه دخل و الدكتور مكلموووش
دخلت وراه بسرعه
تقول للدكتور إشمعنا
انا !!!؟
قالها إنتي إييييه دخلك
!؟؟ انا مسمحتش ليكي
رد الولد قاله دي معايا
و ف الفريق بتاعي يا دكتور
قاله تمام يا حسام
تقدرو تقعدو دلوقتي عشان أبدأ افهمهم
المهم على ما كل حاجه
بدأت تستقر كان معاد السيكشن خلص و الدكتور قال جدول الفرق متجمع بره
طبعاً الكل فاهم و
بيتحرك ما عدا هي
كل الطلبه طلعو لقو إسمهم نزل ف فرق و مجموعات
و هو قالها اسف لو خبطتك و سوري
و دلوقتي تقدري تروحي اي فريق
قالتله انا مش فاهمه حاجه
يوم واحد جيت متاخر و ده أول
يوم ف الترم
كل حاجه ملخبطه و مش فاهمه حاجه
و إنفعلت عليييه
قالها إحنا قسمنا الدفعه
بتاعتكم فرق عشان المشروع التكنولوجي اللي المفروض يقدمه الطلبة
و طبعاً حضرتك إحنا ف هندسة
إتصالات و المفروض إحنا الفرقه التانيه كل واحد مننا مشرف ع فريق فيكم من فرقة أولى
قالتله مش محتاجه حد كل شويييه
يأكدلي إسم الكليه :@
و سابته و مشيت
رجعت
البيت رمت شنطتها
وقفلت الأوضه و قعدت مع نفسها متضايقه
فتحت اللاب و قعدت تقلب
ف الفيس
و لقت رساله من حد
بيقولها مش هنبدأ نشوف هنعمل إيه ف الفريق !؟
عشان إنتي مأخرانا ولحد
حالا محددتيش هتبقي معانا ولا لأ
قالتله إنت محسسني إنه
فريق الزمالك ليه !؟
قالها ده متوقف عليه تقديري وانا كل سنه بجيب إمتياز ف بتمنى أجيبه
السنه دي و مش عاوز اتأخر ف البداية اكتر من كده
قالتله تمام موافقه بس
انا مبفهمش حاجه ف الكليه و مش بحبها
قالها نعم ؟!؟؟!
انا شوفت تقديراتك
أغلبها إمتياز
ده إنتي موووس
قالتله ده حكاية طويله
قالها ممكن تحكيهالي ؟!
قالتله بابا دكتور و
ماما الله يرحمها كانت مهندسه و بابا من وقت ما ماما ماتت وهو بيربيني ابقا زيها
بالظبط
وانا كان امنيتي ابقا
عازفه ببانو و قعدو يتكلمو كتير
و هو قالها إن حلمه
يعمل روبوت في المشروع ده عشان بعد ما ينفذو المشروع ينافسو بيه ف المسابقه
الدوليه للروبوت
المهم خلصو رغي و قبلت
الأضافه بتاعته و قالها نتقابل بعد سكشن بكره عشان أفهمك كل واحد فينا هيبقا عليه
إيه
بعد كده بقو كل يوم
يتقابلو و يحاول يفهمها هتعمل إيه
بس هي كان الموضوع
بالنسبالها شريك ف الجامعه ع عكس وحدتها الدايمة
و حد أخيراً شايل معاها
همها و مشكلتها ف الكلية
كان كل يوم بيمر بيقربو
لبعض أكتر و الرابط بينهم بيزيد مع الوقت
بس هي مفهماه إن بتتابع
تطبيق الجزء المطلوب منها
و إنها كل يوم بتقعد ف
الاوضه اللي فوق البيت تخلص كل حاجه
و بتمر الأيام و هو
بيتعب أكتر و العرض النهائي للمشاريع بيقرب
لحد ما إتبقى إسبوع
واحد بس ع العرض النهائي
قالها هجيب كل اللي
خلصته و أجيلك بالليل عشان نبدأ نجمع
و يا دوب على ما نخلص
يبقا فاضل يومين ع العرض النهائي
أول ما وصل لقاها
سايباله المكان مفتوح و قافله النور هو دخل براحه
فجأة ضوء خافت نزل ع
بيانو و هي قاعده ع كرسي و فضلت تعزف لحن جميل جداً
و هو فضل مشدود و مركز
و أول ما خلصت سقف جامد وقالها إيه ده بجد إنتي عبقرية
إتبسطت أوي
قالتله بجد عجبك ؟؟
قالها تحفه
أخيراً الواحد هيشتغل
بنفس بقا بعد اللحن ده
وريني بقا اللي عملتيه
عشان نقفل المشروع
عارفه أنا أصلاً قررت أسمي الروبوت سارة بوت 2013
قالتله أنا طول الفتره
دي بذاكر بيانو عشان أعرف أعمل اللحن ده
قالها و المشروع !!؟
قالتله اصل انا
قالها إنتي إيه !!!؟
إنتي دمرتي مستقبلي
إنتي أكتر حد عارف الموضوع ده قيمته إيه عندي
ليييييه كده !!؟؟
و كل الأيام دي بتكدبي
عليا !!؟
و سابها و مشي
و فضلت تعيط و قعدت لواحدها لحد الصبح
و راحت الجامعه زي كل
يوم عشان تعتذرله
ملقيتوش
و فضلت تكلمه و تدور
عليه كل يوم
و هو إختفى و مظهرش
لحد ما جيه يوم العرض و
فضل كل تيم يستعرض المشروع بتاعه
و هي مستنيه دورهم عشان
تطلع تعتذر
إن هما مقدروش ينفذو
المشروع بسببها
و جيه الدور عليهم هي
وقفت على المسرح متوتره مش عارفه تقول إيه
قالت انا جيت عشان أقول
إننا إنسحبنا
كله إستغرب و دوشه و
قلق لييييه إزاي و فين حسام
طلع صوت من وراها بيقول أنا حسام
و فعلاً إحنا إنسحبنا
بالمشروع بتاعنا اللي قدمنا فكرته
عشان عدلناه و عملنا
نسخه جديده هتغير شكل و معنى الروبوت
اقدم لكم روبوت سارة
تونز
و فجأة بيفتح ستارة و
فيه روبوت بيتحرك و قعد على بيانو و قعد يعزف اللحن اللي كانت سارة عزفتهوله
فضلت مبتنطقش هو مسك
إيدها و ف الوقت اللي الكل مركز ف العرض هو قالها مش معنى إني سعيت على حلمي إنسى
حلم أهم حد في حياتي
و توته توته خلصت الحدوته :)
